Vífill.is

Skráning á sumarnámskeið

Vifill — Mon, 14 May 2012 18:16:38 +0000

Skráning á sumarnámskeið Vífils er hafinn og fer fram hér

Nánar upplýsingar um sumarnámskeið Vífils má finna hér

Hreunsunardagur Vífils

Vifill — Mon, 30 Apr 2012 19:23:24 +0000

Kæru skátar, foreldrar og aðrir velunnarar félagsins
Í tilefni af sumarkomunnar og hreinsunarátaks í Garðabæ ætlum við að koma saman þriðjudaginn 8. maí n.k. við skátaheimilið Jötunheima kl. 18.00 og taka til hendinni við að hreinsa og fegra nánasta umhverfi þess. Þátttaka í hreinsunardeginum er skylduverkefni allra sveita og flokka! Hjálparsveit skáta tekur einnig þátt í hreinsuninni.
Að verki loknu verður grillað og slegið á létta strengi að skátasið. Gott er að taka með sér vinnuvettlinga og ef þið hafið tök á garðverkfæri s.s. strákúst, grjóthrífu og slíkt.
Inni í Jötunheimum liggja frammi óskilamunir frá vetrinum, endilega kíkja á þá!
Vonumst til að sjá þig og fjölskylduna
Með kveðju
Stjórn Vífils

Sumardagurinn fyrsti 19. apríl 2012

hafdis — Sun, 15 Apr 2012 22:25:12 +0000

Sumardagurinn fyrsti er á fimmtudaginn 19. arpíl og venju samkvæmt sér skátafélagið Vífill um hátíðahöldin í Garðabæ. Í ár þetta merkisdagur því félagið á 45 ára afmæli.
Skátarnir taka virkan þátt í hátíðahöldunum og hefjast þau með skátamessu í Vídalínskirkju kl. 13.00. Skátarnir mæta kl. 12.45. Allir mæta í skátabúning/peysu, dökkum buxum og með klútinn sinn!
Í messunni verða veittar viðurkenningar fyrir vel unnin störf, áramerki og verðlaun fyrir flokkakeppni Fermingarblaðsins.
Skrúðganga leggur síðan af stað frá Vídalínskirkju kl. 14.00 og eiga skátarnir að ganga í hóp í henni. Dróttskátar sjá um fánaborg og stýra göngunni. Gengið verður að Hofsstaðaskóla og þar verður skemmtidagskrá og kaffisala.
Allir skátar eru beðnir um að leggja til tvær kökur/brauðrétti og tekið verður á móti þeim í Hofsstaðaskóla frá kl. 12.00.
Eldri skátarnir fá verkefni á svæðinu og síðan hjálpast allir við að ganga frá og fá að launum hina víðfrægu Binnaborgara þegar frágangi er lokið.
Vonumst til þess að sjá sem flesta skáta og fjölskyldur þeirra í messu, dagskrá við Hofsstaðaskóla og í kaffisölunni.
Foringjar og stjórn Vífils

Páskafrí

Vifill — Wed, 28 Mar 2012 17:32:12 +0000

Nú eru páskarnir að renna í garð og skátastarfið að fara í páskafrí. Páskafríið verður eins og fríið er í skólunum nema hjá dróttskátum sem ætla að funda annan í páskum. Síðustu fundir fyrir páskafrí eru morgun, fimmtudaginn 29. mars, og fundir byrja svo aftur mánudaginn 9. apríl.

Dróttskátar: mánudagurinn 9. apríl kl: 20:00-22:00
Drekaskátar: þriðjudaginn 10. apríl kl:17:00-18:30
Fálkaskátar: Þriðjudaginn 10. apríl kl: 16:30-18:30.
Fálkaskátar: miðvikudaginn 11. apríl kl: 17:00-19:00

Eigið góða páska!

Skráning á Landsmót skáta 2012

Vifill — Tue, 13 Mar 2012 18:01:14 +0000

Kæru skátar og foreldrar

Við minnum á skráningu á Landsmót skáta 2012 sem lýkur 15. mars.

http://secure.skatar.is/jm/Register/184/258D6A3EF594BBD102405545D561B392

Nú þegar hafa hátt í 50 skátar skráð sig úr Vífli og er þetta hápunkturinn í skátaferli hvers skáta að fara á Landsmót skáta.

Þema er Ævintýrið heldur áfram

Dagsetning
22. júlí 2012 til 29. júlí 2012

Staður
Úlfljótsvatn.

Mótsgjald
kr. 49.000

Málþing um skátastarf

Vifill — Wed, 29 Feb 2012 16:15:58 +0000

Í tilefni þess að í ár verða liðin 100 ár frá upphafi skátastarfs á Íslandi efnir Skátafélagið Vífill til málfundar um skátastarf almennt, markmið þess og leiðir.
Um þessar mundir er verið að ráðast í stórtækar breytingar á dagskrá skátastarfs á Íslandi þar sem aukin áherzla verður lögð á uppeldis- og leiðtogaþjálfun starfsins. Breytingar þessar verða kynntar auk þess sem drepið verður á framtíðarsýn skátastarfs á Íslandi.

Framsögumaður á málfundinum verður Dr. Ólafur Proppé, fyrrum rektor Kennaraháskóla Íslands, en hann hefur verið í fararbroddi varðandi skipulag og innleiðingu nýju dagskrárinnar.

Foreldrar, kennarar og aðrir sem láta sig uppeldismál varða eru sérstaklega hvattir til að mæta, enda kjörið tækifæri til að fræðast um uppeldisþætti skátastarfs.

Boðið verður upp á kaffi og meðlæti meðan á fundinum stendur.

Málfundurinn verður haldinn í Jötunheimum, skátaheimilinu í Garðabæ, miðvikudaginn 29. febrúar og hefst hann kl. 20:00.

Við vonum að sem flestir muni sjá sér fært að mæta.

Ársskýrsla

Vifill — Tue, 28 Feb 2012 16:56:05 +0000

Aðalfundur Vífils var haldin mánudaginn 20. febrúar og þar var lögð fyrir ársskýrsla 2011 sem nálgast má hér

Ársskýrsla 2011

Skátafundir 14.-15. febrúar

Vifill — Mon, 13 Feb 2012 19:56:12 +0000

Skátafundir sem eiga að fara fram 14. – 15. febrúar eru ekki á dagskrá vegna vetrarfría hjá grunnskólum Garðabæjar

Starfsáætlun vor 2012

Vifill — Tue, 07 Feb 2012 17:54:26 +0000

Hér má finna starfsáætlun sveita í Vífli vorið 2012

Drekaskátar – vor dagskrá 2012

Fálkaskátar Forynjur 2012

Fálkaskátar Fornmenn

Dróttskátar Fenris

Götuleikur hjá dróttskátum

Vifill — Wed, 18 Jan 2012 18:13:00 +0000

Næst komandi laugardag eru götuleikur hjá dróttskátum. Mæting er fyrir utan Fríkirkjuna kl 14:00