Vífill.is

Alexandra, Gréta, Salbjörg og Hrafnhildu

þá gerist það – þ.e. á þriðjudagskvöldið næsta þann 8. nóv. -  en þá verður fyrsta alvöru TTH-kvöld haustins hjá Vífli !
(Fyrir þá sem ekki þekkja, þá stendur TTH fyrir Taktu Til Hendinni…. en það er einmitt það sem við ætlum að gera)

Þetta kvöld verðum við alfarið í salnum á efri hæðinni og ætlunin er að taka á því þar.
Við ætlum að bjóða upp á eftirfarandi verkefni:
Mála hátt og lágt (ef þið ætlið á pensilinn, þá er það málningargallinn)
Taka til í eldhúsinu, þrífa skápa og hillur
Þrífa stóla
Þrífa rúður
Yfirfara græjur og snúrur
o.fl. o.fl. og jafnvel að setja upp jólaseríur
Ef allt fyllist af fólki, þá skulið þið ekki örvænta,  því það leynast verkefni víðar í húsinu !

Allt verður sett í botn og meðan allt gerist verður skellt upp myndasýningu frá starfinu, eingöngu spiluð tónlist Skátakórsins og
eins og venjulega mun engan skorta nammi, kaffi né gos !

Nú hvetjum við alla til að koma og sérstaklega foreldra sem vilja taka þátt og vera með í  bráðskemmtilegu Baklandi Vífils.
Auðvitað vitum við að hróður Baklandsins hefur borist víða og hvað það er frábært í Baklandinu og að það er ekkert skemmtilegra en í Baklandinu…
en nú viljum við sýna það í verki og bjóðum öllum sem áhuga hafa að kíkja til okkar og Taka Til Hendinni !

Skráning er hafinn á landsmót skáta 2012. Þeir sem skrá sig fyrir 15. nóvember fá 5000 kr afslátt af mótsgjaldinu. Nánari upplýsingar koma fljótlega.

Skráning fer fram hér

Foreldrafundur
Boðað er til foreldrafundar miðvikudaginn 19. október kl. 20:00í Jötunheimum . Á fundinum verður kynnt ferð félagsins á landsmót skáta næsta sumar sem fer fram dagana 20. júlí til 29. júlí.  Að þessu sinni verður haldið upp á 100 ára afmæli skátastarfs á Íslandi. Landsmót er einn af hápunktum í starfinu þar sem koma saman skátar af öllu landinu og frá fjölmörgum þjóðlöndum.

Flokkafjör
Dagana 21. – 22. október verður haldið flokkafjör í Jötunheimum. Í flokkafjöri koma saman dreka- ,fálka- og dróttskátar og gista eina nótt í skátaheimilinu. Mæting er í skátaheimilið kl. 18:00 á föstudeginum og fjörinu lýkur kl. 13:00 á laugardeginum. Dagskráin er skipulögð af sveitunum og verður kynnt frekar í næstu viku. Engin kostnaður er við flokkafjörið og er kvöldmatur, morgunmatur og hádegismatur innfalinn. Skráning fer fram hér

Í dag fór drekaskátasveitin Furðufuglar í dagsferð upp í Heiðmörk og heppnaðist mjög vel. Skátarnir byrjuðu daginn á því að fara á kanó á Vífilsstaðavatni og löbbuðu síðan upp að grillinu í Heiðmörk þar sem á boðstólum voru pylsur og svalar. Þaðan lá leiðin í Maríuhella þar sem ferðin endaði á spennandi vígslu inni í helli.

Nokkuð ágætlega viðraði og var þátttaka eftir því, en tæplega 30 manns voru í ferðinni.

Starfsáætlunir skátasveita í Vífli.

Drekaskátar Yngri / Eldri

Fálkaskátar Fornmenn / Forynjur

Dróttskátar Fenris

Rekkaskátar

Haustfagnaður og innritunardagur skátafélagsins Vífils verður laugardaginn 3. september í skátaheimilinu Jötunheimum við Bæjarbraut frá kl 12.00 til 14.00.
Haustfagnaðurinn er uppskeruhátíð sumarstarfsins og markar upphaf vetrarstarfsins. Núverandi skátar endurnýja skráningu sína og nýir félagar eru boðnir velkomnir. Þátttakendur á sumarnámskeiðum Vífils eru sérstaklega velkomnir á hátíðina ásamt foreldrum/forráðamönnum sínum.
Á haustfagnaðinum gefst tækifæri til þess að kynnast félagsstarfinu, boðið verður upp á skemmtilega dagskrá. Grillmeistarar félagsins mæta og bjóða upp á pylsur og meðlæti.
Nálgast má óskilamuni frá sumarstarfinu í skátaheimilinu á laugardaginn og á fundartíma í september. Eftir það verða ósóttir óskilamunir gefnir í söfnunargám Rauða krossins.

Vetrastarfið í skátafélaginu Vífli hefst svo formlega í næstu viku með fyrstu fundum skátasveita.

Með skátakveðju
Stjórn Vífils

Drekaskátar (7-9 ára)
þriðjudaga 17.00 – 18.30
fimmtudaga 17.00 – 18.30
Fálkaskáta (10-12 ára)
stúlkur – þriðjudaga 16.30 – 18.30
drengir – miðvikudaga 17.00 – 19.00
Dróttskátar (13-15 ára)
mánudaga 19.30 – 21.30
Rekkaskátar (16-18 ára)
fimmtudaga 20.00 – 22.00
Foringjaráð
Annan þriðjudag í mánuði
Stjórn
Annan miðvikudag í mánuði

Þessa vikuna og næstu verða kynningar á nýjum foringjahandbókum fyrir skátaforingja haldnar hjá skátafélögum um allt land. Fulltrúar frá BÍS heimsækja félögin og fara yfir í hverju breytingarnar felast, kynna bækurnar og þann stuðning sem félögunum stendur til boða í innleiðingunni. Útgáfuhátíð var haldin í Skátamiðstöðinni mánudaginn 22. ágúst þar sem ríflega 80 manns mættu að kynna sér bækurnar. Bókunum var vel tekið og margir foringjar eru orðnir spenntir að takast á við nýjar áskoranir.

Kynning á nýju bókunum mun fara fram hjá Vífli næsta sunnudag 28. ágúst á milli kl 10 og 12. Allir velkomnir

Innritunardagur verður haldin laugardaginn 3. september í Jötunheimum. Opnað verður fyrir skráningu 26. ágúst á vefnum og þurfa allir skátar í félaginu að skrá sig hvort sem þeir hafa starfað þar áður eða eru nýir. Upplýsingar um fundartíma munu liggja fyrir eftir rúma viku. Frekari upplýsingar koma hér inn á vefinn þegar nær dregur.