Vífill.is

Foreldrafundur
Boðað er til foreldrafundar miðvikudaginn 19. október kl. 20:00í Jötunheimum . Á fundinum verður kynnt ferð félagsins á landsmót skáta næsta sumar sem fer fram dagana 20. júlí til 29. júlí.  Að þessu sinni verður haldið upp á 100 ára afmæli skátastarfs á Íslandi. Landsmót er einn af hápunktum í starfinu þar sem koma saman skátar af öllu landinu og frá fjölmörgum þjóðlöndum.

Flokkafjör
Dagana 21. – 22. október verður haldið flokkafjör í Jötunheimum. Í flokkafjöri koma saman dreka- ,fálka- og dróttskátar og gista eina nótt í skátaheimilinu. Mæting er í skátaheimilið kl. 18:00 á föstudeginum og fjörinu lýkur kl. 13:00 á laugardeginum. Dagskráin er skipulögð af sveitunum og verður kynnt frekar í næstu viku. Engin kostnaður er við flokkafjörið og er kvöldmatur, morgunmatur og hádegismatur innfalinn. Skráning fer fram hér

Í dag fór drekaskátasveitin Furðufuglar í dagsferð upp í Heiðmörk og heppnaðist mjög vel. Skátarnir byrjuðu daginn á því að fara á kanó á Vífilsstaðavatni og löbbuðu síðan upp að grillinu í Heiðmörk þar sem á boðstólum voru pylsur og svalar. Þaðan lá leiðin í Maríuhella þar sem ferðin endaði á spennandi vígslu inni í helli.

Nokkuð ágætlega viðraði og var þátttaka eftir því, en tæplega 30 manns voru í ferðinni.

Starfsáætlunir skátasveita í Vífli.

Drekaskátar Yngri / Eldri

Fálkaskátar Fornmenn / Forynjur

Dróttskátar Fenris

Rekkaskátar

Haustfagnaður og innritunardagur skátafélagsins Vífils verður laugardaginn 3. september í skátaheimilinu Jötunheimum við Bæjarbraut frá kl 12.00 til 14.00.
Haustfagnaðurinn er uppskeruhátíð sumarstarfsins og markar upphaf vetrarstarfsins. Núverandi skátar endurnýja skráningu sína og nýir félagar eru boðnir velkomnir. Þátttakendur á sumarnámskeiðum Vífils eru sérstaklega velkomnir á hátíðina ásamt foreldrum/forráðamönnum sínum.
Á haustfagnaðinum gefst tækifæri til þess að kynnast félagsstarfinu, boðið verður upp á skemmtilega dagskrá. Grillmeistarar félagsins mæta og bjóða upp á pylsur og meðlæti.
Nálgast má óskilamuni frá sumarstarfinu í skátaheimilinu á laugardaginn og á fundartíma í september. Eftir það verða ósóttir óskilamunir gefnir í söfnunargám Rauða krossins.

Vetrastarfið í skátafélaginu Vífli hefst svo formlega í næstu viku með fyrstu fundum skátasveita.

Með skátakveðju
Stjórn Vífils

Drekaskátar (7-9 ára)
þriðjudaga 17.00 – 18.30
fimmtudaga 17.00 – 18.30
Fálkaskáta (10-12 ára)
stúlkur – þriðjudaga 16.30 – 18.30
drengir – miðvikudaga 17.00 – 19.00
Dróttskátar (13-15 ára)
mánudaga 19.30 – 21.30
Rekkaskátar (16-18 ára)
fimmtudaga 20.00 – 22.00
Foringjaráð
Annan þriðjudag í mánuði
Stjórn
Annan miðvikudag í mánuði

Þessa vikuna og næstu verða kynningar á nýjum foringjahandbókum fyrir skátaforingja haldnar hjá skátafélögum um allt land. Fulltrúar frá BÍS heimsækja félögin og fara yfir í hverju breytingarnar felast, kynna bækurnar og þann stuðning sem félögunum stendur til boða í innleiðingunni. Útgáfuhátíð var haldin í Skátamiðstöðinni mánudaginn 22. ágúst þar sem ríflega 80 manns mættu að kynna sér bækurnar. Bókunum var vel tekið og margir foringjar eru orðnir spenntir að takast á við nýjar áskoranir.

Kynning á nýju bókunum mun fara fram hjá Vífli næsta sunnudag 28. ágúst á milli kl 10 og 12. Allir velkomnir

Innritunardagur verður haldin laugardaginn 3. september í Jötunheimum. Opnað verður fyrir skráningu 26. ágúst á vefnum og þurfa allir skátar í félaginu að skrá sig hvort sem þeir hafa starfað þar áður eða eru nýir. Upplýsingar um fundartíma munu liggja fyrir eftir rúma viku. Frekari upplýsingar koma hér inn á vefinn þegar nær dregur.

Nú erum við jamboree fara loksins búin að koma okkur almennilega fyrir og komin á fullt skrið hér í Svíðþjóð. Talsvert hefur rignt á okkur síðastliðna daga en í þessum frábæra hópi eru sannir skátar sem láta veðrið ekki á sig fá heldur skemmta sér mjög vel. Í fyrradag fórum við á opnunarhátíðina og áttuðum við okkur þá fyrst á því hversu rosalega stórt þetta mót er þegar við sáum rúmlega 39.000 manns samankomna í brekkusöng. Í gær var frjáls dagur hjá okkur þar sem skátarnir fengu tækifæri til að ganga um svæðið og kynna sér þá fjölbreyttu dagskrá sem í boði er hér á svæðinu. Um kvöldið var hluta af hópnum boðið í kvöldmat til sænskra skáta á svæðinu okkar og hinn helmingurinn af sveitinni tók á móti þjóðverjum og sáu um að elda fyrir þau. Kvöldið tókst með eindæmum vel og kynntust skátarnir þar fullt af skemmtilegum krökkum.

Ég skellti inn nokkrum nýjum myndum hér frá mótinu sem sjá má hér í myndaalbúminu.

Bestu kveðju frá öllum í Höttu

Nú eru komnar inn myndir úr útilegunni okkar í síðustu viku sem haldin var Akranesi. Útilegan gekk mjög vel enda fjölmennur og skemmtilegur hópur barna sem lagði upp í ferðalag héðan úr Garðabænum. Veðrið lék við okkur á fimmtudeginum og var því upplagt að skella sér á Langasand og svamla í sjónum, einnig heimsóttum við sundlaug Akraness og skoðuðum byggðasafnið. Um kvöldið var haldin heljarinnar kvöldvaka á tjaldsvæðinu þar sem sungin voru skátalög og ýmsir hreyfisöngvar. Á föstudeginum tók að rigna dálítið á okkur, en börnin létu það ekki á sig fá heldur skemmtu þau sem vel í leikjum á skóræktarsvæðinu. Endilega lítið á myndirnar úr þessari frábæru ferð okkar hér á myndasíðunni okkar.

Kveðja,
Starfsfólk sumarnámskeiða

Sumarnámskeiðin hafa gengið mjög vel fyrstu vikurnar og viljum við þakka öllum þeim frábæru krökkum sem hafa komið hingað til okkar, fyrir þátttökuna. Enn eru nokkur laus pláss á öllum námskeiðum í næstu viku og því ættu öll börn á aldrinum 5-14 ára að geta fundið námskeið við sitt hæfi. Nánari upplýsingar um námskeiðin má finna í sumarnámskeiðs dálknum hér að ofan. Endilega hafið samband við okkur í síma 899-0089 ef spurningar vakna.

Kveðja,
Starfsfólks sumarnámskeiða